Xəbər verdiyimiz kimi, "Kəpəz" futbol klubunun futbolçusu Veysəl Rzayev bıçaqlanıb.
İdman.biz xəbər verir ki, futbolçu Müseyib Bağırov küçəsində qız üstündə iki nəfər arasında yaranan əlbəyaxa davanın şahidi olub. Mübahisəyə müdaxilə edərək tərəfləri ayırmaq istəyən Veysəl Rzayev bu zaman bıçaq xəsarəti alıb.
Gencexeber.az-a Gəncə Şəhər Birləşmiş Xəstəxanasından verilən məlumata görə, 03.02.2026-cı il tarixində saat 05:10 radələrində 2002-ci il təvəllüdlü şəxs (kişi) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.
Ona döş qəfəsinin arxa divarının açıq yarası diaqnozu təyin olunub. Hazırda müalicəsi xəstəxananın Cərrahiyyə şöbəsində davam etdirilir, vəziyyəti orta ağırdır.
Faktla bağlı hüquq-mühafizə orqanları tərəfindən araşdırmalara başlanılıb.
