Gəncədə yol-nəqliyyat hadisəsi baş verib.
Gencexeber.az-ın məlumatına görə, hadisə Azərbaycan əsgəri və Abbas Səhhət küçələrinin kəsişməsində, 37 nömrəli tam orta məktəbin yaxınlığında qeydə alınıb.
"Ford Transit" markalı aztutumlu yük avtomobilinin sürücüsü ara məsafəsini gözləmədiyi üçün "BakuBus" MMC-yə məxsus, 16 nömrəli marşrut xətti üzrə hərəkətdə olan avtobusun arxa hissəsinə çırpılıb.
Qəza nəticəsində nəqliyyat vasitələrinə yüngül ziyan dəyib. Hadisə zamanı xəsarət alan olmayıb.
Hadisə yerinə polis əməkdaşları cəlb olunub. Faktla bağlı araşdırma aparılır.
