Əmək və Əhalinin Sosial Müdafiəsi Nazirliyinin dəstəyi ilə Gəncə şəhərində işsiz və işaxtaran şəxslər üçün əmək yarmarkası təşkil olunacaq.
Gencexeber.az-ın məlumatına görə, tədbir oktyabrın 29-u, saat 11:00-dan 13:00-dək keçiriləcək. Yarmarka Gəncə şəhəri, Nizami Gəncəvi prospekti 784 ünvanında yerləşən 2 saylı Gəncə regional "ASAN xidmət" mərkəzində baş tutacaq.
Yarmarkada 15 müəssisə tərəfindən ümumilikdə 100 vakansiya təqdim olunacaq. İşəgötürənlərlə birbaşa ünsiyyət qurmaq və mövcud iş imkanları barədə ətraflı məlumat almaq istəyən şəxslər tədbirdə sərbəst şəkildə iştirak edə biləcəklər.
