Heyvandarlığın ən marginal sahələrindən sayılan donuzçuluq Azərbaycanda ildən-ilə zəifləyir. Statistik məlumatlar göstərir ki, bu sahə ölkə üzrə bir neçə rayonla məhdudlaşır. Bəzi bölgələrdə isə tamamilə yoxa çıxıb.
Modern.аz Dövlət Statistika Komitəsinə istinadən məlumat verir ki, 2025-ci ilin ilk 9 ayında ölkə üzrə donuzların sayı 3167 baş olub. Bu, 2024-cü ilin eyni dövrü ilə müqayisədə 712 baş az deməkdir. Bir il ərzində ölkə üzrə donuzların sayı təxminən 18,4 faiz azalıb.
Gəncədə 2024-də 29 baş olduğu halda, 2025-ci ildə ölkənin ən böyük üçüncü şəhərində donuzlar "yoxa çıxıb". Gəncə-Daşkəsən iqtisadi rayonuna daxil olan digər bölgələrdə isə sadəcə Goranboy rayonunda donuzçuluq sahəsi ilə məşğul olurlar. Bu ərazidə ötən il 40, bu il isə 41 baş donuz olub.
Qazax-Tovuz iqtisadi rayonunda da donuzların sayında azalma müşahidə olunur. 2025-ci ilin son rəqəmlərinə əsasən bu bölgədə 74 baş, 2025-cü ildə isə 85 baş donuz olub. Donuzlar iqtisadi rayona daxil olan Gədəbəy ərazisində saxlanılır.
