Gəncə şəhərində yol-nəqliyyat hadisəsi baş verib.
Gencexeber.az-ın məlumatına görə, hadisə şəhərin Bayan küçəsində qeydə alınıb. Belə ki, hərəkətdə olan "Chevrolet" markalı minik avtomobili ilə moped toqquşub.
Qəza zamanı mopedin sürücüsü, 2009-cu il təvəllüdlü Fəqan Hüseynov xəsarət alıb. Yaralı Gəncə şəhərində yerləşən xəstəxanalardan birinə çatdırılıb. Ona dərhal tibbi yardım göstərilib, vəziyyətinin kafi olduğu bildirilir.
Məlumata görə, Fəqan Hüseynov kuryer kimi fəaliyyət göstərirmiş.
Hadisə yerinə Dövlət Yol Polisi əməkdaşları cəlb olunub. Faktla bağlı araşdırma aparılır.
