Gəncə şəhərinin Sadıllı qəsəbəsində şəhid İlham Əliyevin adını daşıyan küçədə müasir işıqlandırma sistemi quraşdırılıb.
Gencexeber.az bildirir ki, sözügedən küçədə bir-birindən 25–30 metr məsafədə 7 ədəd işıq dirəyi basdırılıb, ümumilikdə 280 metr uzunluğunda kabel xətti çəkilib və hər bir dirəyə gücü 100 vatt olan LED lampalarla təchiz edilmiş yeni plafonlar quraşdırılıb.
Qeyd edək ki, sözügedən işlər Gəncə Şəhər İcra Hakimiyyətinin Mənzil Kommunal Təsərrüfatı İstehsalat Birliyi tərəfindən icra olunub.
