Gəncə şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTIB) tərəfindən şəhər ərazisində növbəti genişmiqyaslı təmizlik işləri həyata keçirilib.
Gencexeber.az bildirir ki, təmizlik aksiyası bu dəfə Məmməd Bürcəliyev və Mirzə Fətəli Axundov küçələrində, "DOS 84" adlanan yaşayış massivində təşkil olunub.
Adıçəkilən ərazilər məişət tullantılarından, alaq otlarından, xəzəldən təmizlənib, səki və bordürların dibi süpürülüb.
"DOS 84" yaşayış massivi ərazisindən keçən su arxında daşma təhlükəsinin qarşısını almaq məqsədilə suyun axınına mane yaradan tullantılar da bir yerə yığılaraq ərazidən daşınıb.
Sözügedən ərazilərdə mövcud olan zibil qutuları boşaldılıb, ətrafı isə təmizlənərək səliqəli şəklə salınıb.
