Xəbər verdiyimiz kimi, "Kəpəz" futbol klubunun futbolçusu Veysəl Rzayev bıçaqlanıb.
Gencexeber.az-ın məlumatına görə, futbolçu şəhərin Müseyib Bağırov küçəsində naməlum şəxs tərəfindən hücuma məruz qalıb.
Gencexeber.az-a idmançının müalicə aldığı xəstəxananın həkimi Etibar Abbasov tərəfindən verilən məlumata görə, Veysəl Rzayev səhər saatlarında döş sol qəfəsinin daxilə keçən kəsilmiş-deşilmiş yarası diaqnozu ilə tibb ocağına gətirilib.
"Xəstənin vəziyyəti keçirilən əməliyyata uyğundur. Yəni səhhəti stabilləşib", – həkim E.Abbasov əlavə edib.
Qeyd edək ki, hazırda hadisəni törədən şəxsin tutulması istiqamətində axtarış tədbirləri həyata keçirilir.
