Gəncədə "BakuBus" MMC-yə məxsus avtobusda xoşagəlməz hal baş verib.
Gencexeber.az-ın məlumatına görə, hadisə bu gün 4 nömrəli marşrut xətti ilə hərəkət edən "77-JZ-493" dövlət qeydiyyat nişanlı avtobusda qeydə alınıb. Sərnişinlərdən biri avtobusu dayanacaqda saxlamadığına görə etiraz edib.
Sürücü sərnişinə dayanacaqda düşmək üçün "dayan" düyməsini sıxmalı olduğunu bildirib. Vətəndaş isə qeyd edib ki, avtobuslar həmin düymə sıxılmasa belə, dayanacaqlarda saxlamalıdır.
Bundan sonra sürücü sərnişini arxasınca nalayiq ifadələrlə təhqir edib.
