"BakuBus" MMC-nin Gəncə şəhərində həyata keçirdiyi sərnişindaşıma fəaliyyəti çərçivəsində növbəti mühüm göstərici əldə edilib.
Gencexeber.az-a adıçəkilən şirkət tərəfindən verilən məlumata görə, şəhər üzrə fəaliyyət göstərən müntəzəm marşrut xətləri ilə daşınan sərnişinlərin sayı 10 milyon nəfərə çatıb.
Gəncə şəhərində "BakuBus" MMC-nin marşrut xətləri ilə səfər etmiş 10 milyonuncu sərnişin – Səməndər Həsənov Gəncə Avtobus Parkında qarşılanıb. Sərnişinə təşəkkürnamə və simvolik hədiyyələr onu mənzil başına çatdıran, 77 JZ 914 dövlət qeydiyyat nişanlı avtobusu idarə edən sürücü Tural Verdiyev və "BakuBus" MMC-nin nümayəndəsi tərəfindən təqdim edilib.