Gəncədə faciəvi yol-nəqliyyat hadisəsi baş verib.
Gencexeber.az-ın əldə etdiyi məlumata görə, hadisə şəhərin Sadıllı qəsəbəsində Çingiz Mustafayev küçəsində qeydə alınıb. "Mitsubishi Pajero" markalı avtomobili idarə edən 19 yaşlı sürücü yolu keçmək istəyən 4 piyadanı vurub. Daha sonra rabitə dirəyini və ağacı aşırılıb.
Nəticədə, 1959-cu il təvəllüdlü Qəribə Səfərova xəstəxanaya aparılarkən dünyasını dəyişib. Hadisə zamanı xəsarət alan 2008-ci il təvəllüdlü Pakizə Məmmədova, 1 yaşlı N. Məmmədov və daha bir azyaşlı xəstəxanaya yerləşdirilib. Onların vəziyyəti orta-ağırdır.
İlkin ehtimallara görə, sürücü qəfil qarşısına çıxan digər avtomobilə görə idarəetməni itirib.
Faktla bağlı araşdırma aparılır.
