Gəncə şəhərində piyada hərəkətinə maneə yaradan vəziyyət aradan qaldırılıb.
Gencexeber.az-ın məlumatına görə, Gəncə şəhər 3 nömrəli şəhər poliklinikasının yaxınlığında yerləşən avtobus dayanacağı bir müddət idi ki, piyada səkisini zəbt etmişdi. Bu hal xüsusilə əlil arabasında hərəkət edən vətəndaşlar üçün ciddi çətinlik yaradırdı.
Sakinlərin müvafiq quruma etdiyi şikayətlərdən sonra problemin aradan qaldırılması istiqamətində tədbirlər görülüb. Nəticədə dayanacaq piyada yolundan götürülüb.
