Gəncə şəhərində "Changan" markalı avtomobilin sürücüsü sosial şəbəkə hesabında yol hərəkəti təhlükəsizliyini ciddi şəkildə pozan videogörüntülər paylaşıb.
Məsələ ilə bağlı Gencexeber.az-a açıqlama verən Daxili İşlər Nazirliyinin (DİN) Mətbuat Xidmətinin regional qrupunun baş inspektoru Eşqin Qasımov bildirib ki, sözügedən görüntülərlə bağlı 2025-ci ilin dekabr ayında Gəncə Şəhər Baş Polis İdarəsinin əməkdaşları tərəfindən keçirilən profilaktik tədbirlər nəticəsində "Changan" markalı avtomobillə şəhər ərazisində avtoxuliqanlıq edən sürücü Ə.Rəhimov saxlanılıb.
"Araşdırmalar zamanı sürücünün avtomobilinə əlavə səs siqnalı quraşdırdığı da müəyyən edilib. Sürücü barəsində protokol tərtib olunaraq məhkəməyə göndərilib. Məhkəmənin qərarı ilə Ə.Rəhimov 1 il müddətinə sürücülük hüququndan məhrum edilib və 30 sutka inzibati qaydada həbs olunub", - qurum rəsmisi qeyd edib.
Patrul.аz-ın məlumatına əsasən, Ə.Əhmədov Gəncədə fəaliyyət göstərən "Borçalı" restoranının sahibi, "Borçalı Nadir" kimi tanınan şəxsin oğludur.
