Gəncə şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən şəhər ərazisində növbəti genişmiqyaslı təmizlik işləri həyata keçirilib.
Gencexeber.az bildirir ki, təmizlik aksiyası Totanlı, Bayan, Rəfibəyli, Əbülula Gəncəvi küçələrində, Sadıllı qəsəbəsində və digər müxtəlif ərazilərdə təşkil olunub.
Adıçəkilən ərazilər məişət tullantılarından, alaq otlarından, xəzəldən və toz-torpaqdan təmizlənib, səki və bordürlərin dibi süpürülüb. Yığılan tullantılar bir yerə toplanaraq ərazidən daşınması təmin edilib.
Totanlı küçəsinin və Sadıllı qəsəbəsinin ərazilərindən keçən su arxlarında daşma təhlükəsinin qarşısını almaq məqsədilə suyun axınına mane yaradan tullantılar da bir yerə yığılaraq ərazidən daşınıb.
