Gəncə şəhəri 5-ci mikrorayon, Üzeyir Hacıbəyli küçəsində yerləşən yarımtikiliyə məsuliyyətsiz sakinlərin məişət tullantıları atması səbəbindən ərazidə antisanitar vəziyyət yaranıb.
Gencexeber.az bildirir ki, Gəncə şəhər Mənzil Kommunal Təsərrüfatı İstehsalat Birliyi (MKTİB) tərəfindən bir müddət əvvəl adıçəkilən ünvanda yerləşən yarımtikilidə təmizlik işləri aparılsada, bəzi sakinlər ərazidə kifayət qədər konteynerlərin olmasına baxmayaraq, zibillərini bura atmağa üstün tuturlar.
MKTİB-nin əməkdaşları və xüsusi texnikası vasitəsilə növbəti dəfə sözügedən ərazidə təmizlik işləri görülüb. Yarımtikilinin içində yığılan və yola səpələnən məişət tullantıları yığılaraq daşınması təmin edilib.
Gəncə şəhər Mənzil Kommunal Təsərrüfatı İstehsalat Birliyi növbəti dəfə sakinlərə yaşadıqları ərazinin təmizliyinin qorunub saxlanılması istiqamətində xəbərdarlıq edərək bildirir ki, məişət tullantılarını hara gəldi yox, bunun üçün xüsusi yerlərdə olan konteynerlərə atsınlar. Əks halda antisanitar vəziyyətə yol açan vətəndaşlar aşkar olunduqca, inzibati qaydada məsuliyyətə cəlb olunacaqlar.
