Gəncədə bir nəfərin ölümü ilə nəticələnən ağır qəza zamanı xəsarət alanların vəziyyəti məlum olub.
Gencexeber.az-a Tibbi Ərazi Bölmələrini İdarəetmə Birliyindən (TƏBİB) bildirilib ki, oktyabrın 28-i, saat 08:10-da dörd nəfər (üç kişi, bir qadın) Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə hospitalizasiya olunub.
"Müxtəlif bədən xəsarətləri alan pasiyentlərə zəruri tibbi xidmətlər göstərilib. Vəziyyətləri orta ağır olan şəxslərin müalicələri müvafiq şöbədə davam etdirilir", - deyə açıqlamada qeyd olunub.
09:26
Gəncədə Heydər Əliyev prospektində baş verən qəzada 4 nəfər xəsarət alıb.
Gencexeber.az bildirir ki, yaralananlar 1962-ci il təvəllüdlü Kərimova Tahirə, 2003-cü il təvəllüdlü Əli Nağızadə, 1989-cu il təvəllüdlü Əziz Verdiyev və 1996-cı il təvəllüdlü Ramal Mehdiyevdir.
Hadisədə daha bir nəfər vəfat edib. Ölən şəxsin kimliyi dəqiqləşdirilir.
08:57
Gəncədə ölümlə nəticələnən yol-nəqliyyat hadisəsi qeydə alınıb.
Gencexeber.az-ın məlumatına görə, "Fiat Doblo" markalı avtomobillə "Hyundai" markalı maşın toqquşub.
Şəhər ərazisində baş verən qəza zamanı "Fiat Doblo" markalı avtomobildə olan sərnişin hadisə yerində ölüb. Daha bir nəfər ağır vəziyyətdə xəstəxanaya çatdırılıb.
Faktla bağlı araşdırma başlanılıb.
