Yeni Gəncə qəsəbəsində yerləşən Dövlət Sosial Müdafiə Fondunun (DSMF) Şərqi Zəngəzur Regional Filialında bu günlərdə böyük izdiham yaşanır.
Gencexeber.az-a daxil olan məlumata görə, buna səbəb 3 Dekabr – Beynəlxalq Əlilliyi Olan Şəxslər Günü ilə bağlı Sosial Xidmətlər Agentliyi tərəfindən ayrılan 30 manatlıq maddi yardımın verilməsidir.
Vətəndaşların sözlərinə əsasən, yardımın noyabrın 1-dən 20-nə kimi veriləcəyi bildirilsə də, prosesin səbəbsiz ləngiməsi onların günlərlə növbələrdə qalmasına səbəb olub. Bir çoxu bir neçə avtobus dəyişərək gün ərzində dəfələrlə filialın qarşısına gəldiklərini, lakin yenə də pulu ala bilmədiklərini deyirlər.
İnzibati binanın qarşısında onlarla vətəndaş toplaşaraq filial rəhbərliyi ilə görüş tələb edib. Lakin iddialara görə, qurumun yerli filial rəhbəri onların görüş istəyini qəbul etməyib.
Vətəndaşlar problemin tez bir zamanda həll olunacağını tələb edirlər.
