Gəncənin Şəhidlər Xiyabanında ənənəvi olaraq 20 Yanvar faciəsinin ildönümü ilə bağlı hazırlıq işləri aparılıb.
Gencexeber.az bildirir ki, Gəncə şəhər Mənzil Kommunal Təsərrüfatı İstehsalat Birliyinin (MKTİB) əməkdaşları tərəfindən Şəhidlər Xiyabanında geniş təmizlik işləri həyata keçirilib.
MKTİB-nin canlı qüvvəsi və texnikaları vasitəsilə şəhidlərimizin əziz xatirəsinə ucaldılan Əbədi Məşəl Kompleksi və şəhid lövhələri yuyulub, məzarlar və ətrafları təmizlənib. Xiyabanın ərazisində daş, qum və torpaq qalıqları, eləcə də alaq otları, xəzəl və məişət tullantıları yığılaraq daşınması təmin olunub. Təmizlik işləri xiyabanın ətrafında da aparılıb.
Analoji təmizlik işləri Gəncənin Şah İsmayıl Xətai prospektində 20 Yanvar şəhidlərinin əziz xatirəsinə ucaldılan abidənin ərazisində və İmamzadə Dini Kompleksin ərazisində də təşkil olunub.
