Gəncəçayının məcrası Gəncə şəhər Mənzil Kommunal Təsərrüfatı İstehsalat Birliyinin (MKTİB) xidməti ərazisinə aid olmasa da, çayın şəhər ərazisindən keçən hissəsində yaranan antisanitar vəziyyətin aradan qaldırılması məqsədilə qurum mütəmadi olaraq təmizlik işləri həyata keçirir.
Gencexeber.az bildirir ki, aparılan təmizlik işlərinə baxmayaraq, çayın sağ və sol sahilində yaşayan sakinlər və ərazidə fəaliyyət göstərən sahibkarlıq subyektləri tərəfindən Gəncəçayın hövzəsinə məişət tullantıları və təmir qalıqlarının atılması hallarına hələ də rast gəlinir.
Bu təəssüf doğuran halın aradan qaldırılması üçün MKTİB bir daha əhaliyə və sahibkarlıq subyektlərinə müraciət edərək bildirir ki, məişət tullantılarını bunun üçün təyin olunmuş konteynerlərə və ya zibil qutularına atsınlar. Əks halda, çayın təmizliyinə qənim kəsilən şəxslər inzibati məsuliyyətə cəlb olunacaqlar.
Qeyd edək ki, Gəncəçayın məcrasındakı zibillər yığılaraq ərazidən daşınıb.
