Gəncədə aparılan genişmiqyaslı iməcilik aksiyası Gəncəçayın məcrası boyu davam etdirilib.
Gencexeber.az bildirir ki, Mənzil Kommunal Təsərrüfatı İstehsalat Birliyinin (MKTİB) canlı qüvvəsi tərəfindən çayın təbii səbəblərdən və ərazidə yaşayan sakinlər tərəfindən çirkləndirilən ərazilərində təmizlik işləri həyata keçirilib.
Belə ki, çayın məcrasından məişət tullantıları, ağac qırıntıları, kol-kos, alaq otları bir yerə yığılaraq ərazidən daşınması təmin edilib. Mövcud zibil konteynerlərinin ətrafında səliqə - səhman yaradılıb.
MKTİB Gəncəçayın ətrafında yaşayan və fəaliyyət göstərən sakinlərdən, iaşə obyektlərindən, restoran və kafe sahiblərindən bir daha xahiş edir ki, şəhərimizin təmizliyinin qorunub saxlanılmasına dəstək nümayiş etdirərək, məişət tullantılarını çayın ərazisinə deyil, bunun üçün təyin olunmuş konteynerlərə və ya zibil qutularına atsınlar. Əks halda bu kimi vətəndaşlar aşkar edilərək inzibati qaydada məsuliyyətə cəlb olunacaqlar.
