Gəncə şəhər Mənzil Kommunal Təsərrüfatı İstehsalat Birliyinin (MKTİB) canlı qüvvəsi tərəfindən Gəncəçayda növbəti genişmiqyaslı təmizlik aksiyası keçirilib.
Gencexeber.az bildirir ki, Qurumun Ərazi Xidmət Sahələrinin əməkdaşlarının cəlb olunduğu təmizlik işlərində çayın məcrası məişət tullantılarından, ağac qırıntılarından, kol-kosdan, alaq otlarından təmizlənib. Tullantılar bir yerə yığılaraq daşınması təmin edilib.
Amma aparılan təmizlik işlərinə baxmayaraq, məsuliyyətsiz sakinlərin və sahibkarların davranışı nəticəsində Gəncəçayının bəzi hissələrində natəmizlik hökm sürür. Belə ki, dəfələrlə edilən xəbərdarlıqlara baxmayaraq, çayın sağ və sol hissəsində yaşayan, həmçinin fəaliyyət göstərən iaşə obyektləri gündəlik zibillərini çaya atmaqdadırlar.
Qeyd edək ki, Gəncəçayda aparılan genişmiqyaslı təmizlik işləri hələ bir neçə gün davam edəcək.
