Ermənistan Respublikasının silahlı qüvvələrinin Azərbaycan Respublikasının ərazisinə təcavüzü nəticəsində Gəncə şəhərində dağıdılmış, qəzalı vəziyyətə düşmüş, təmir və bərpaya ehtiyacı olan fərdi yaşayış evləri və qeyri-yaşayış obyektlərinin tikintisi, təmiri və bərpası işləri həyata keçiriləcək.
Teleqraf.аz xəbər verir ki, müvafiq işlərin icrası ilə bağlı Ərazi Tikinti-Planlaşdırma Mərkəzi "İNŞAAT SERVİS-2" Məhdud Məsuliyyətli Cəmiyyəti ilə 457 min 154,75 manat məbləğində müqavilə imzalayıb.
Qeyd edək ki, qurum 2025-ci il ərzində eyni məqsədlə "İNŞAAT SERVİS-2" MMC ilə 460 min 956,96 manat və 974 min 023,15 manat dəyərində daha iki müqavilə də imzalayıb.
Məlumat üçün bildirək ki, "İNŞAAT SERVİS-2" MMC 2009-cu ildə dövlət qeydiyyatına alınıb. Şirkətin nizamnamə kapitalı 50 manat, qanuni təmsilçisi isə Aslanov Vüqar Məzahir oğludur.
