Futbol üzrə Azərbaycan Premyer Liqasının 18-ci turunda maraqlı qarşılaşma baş tutacaq.
Gencexeber.az məlumat verir ki, turnir cədvəlinin aşağı pillələrindən uzaqlaşmaq istəyən komandaların dueli Yevlax şəhər stadionunda keçiriləcək. Bu gün saat 14:30-da start götürəcək oyunda "Kəpəz" meydan sahibi qismində "Şamaxı"nı qəbul edəcək. Qarşılaşmanı baş hakim Cavid Cəlilov idarə edəcək.
Hazırda "Şamaxı" 20 xalla turnir cədvəlinin 8-ci pilləsində qərarlaşıb. "Kəpəz" isə 12 xalla 10-cu yerdədir. Hər iki komanda üçün böyük əhəmiyyət daşıyan bu görüşdə xal itkisi turnir vəziyyətinə ciddi təsir göstərə bilər.
