Cənubi Koreya Tibbi Ərazi Bölmələrini İdarəetmə Birliyinin (TƏBİB) tabeliyindəki Gəncə Birləşmiş Şəhər Xəstəxanasına 350 min dollarlıq tibbi avadanlıqlar ianə edib.
Gencexeber.az-a İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev təhvil-təslim mərasimində bildirib ki, bu cür layihələr Azərbaycan səhiyyə sisteminin inkişafına mühüm töhfə verir.
"İanə edilən tibbi avadanlıqlar ümumi və uroloji cərrahiyyə, diaqnostika, anesteziologiya, reanimasiya və intensiv terapiya tədbirlərinin həyata keçirilməsi üçün müasir texnikalardır. Xəstəxananın cərrahiyyə və reanimasiya bölmələrində istifadə olunacaq avadanlıqlar kritik vəziyyətdə olan xəstələr üçün həyati əhəmiyyət daşıyır", - Z.Əliyev qeyd edib.
Əlavə edilib ki, ianə edilən tibbi avadanlıqların ümumi dəyəri 350 min dollar təşkil edir.
