8 Noyabr – Zəfər Günü ilə əlaqədar olaraq Gəncənin Şəhidlər xiyabanı ziyarət edilib.
Gencexeber.az-ın məlumatına görə, bu münasibətlə şəhərdə fəaliyyət göstərən müxtəlif qurumların rəhbərləri və əməkdaşları, ali və orta təhsil ocaqlarının müəllim və şagird kollektivi, hüquq-mühafizə orqanlarının nümayəndələri, idarə və təşkilat rəhbərləri, dini konvensiya üzvləri, həmçinin şəhid ailələri və müharibə iştirakçıları Gəncənin Şəhidlər xiyabanını ziyarət ediblər.
Ziyarətçilər torpaqlarımızın azadlığı uğrunda canından keçən qəhrəman şəhidlərin xatirəsinə ucaldılmış Əbədi Məşəl Abidəsinin önünə tər gül dəstələri qoyublar. Daha sonra şəhidlərin məzarları ziyarət olunub, ruhlarına dualar oxunub.
