"VEX Competition" yarışının Respublika turnirində Gəncə məktəblərinin şagirdləri uğurlu nəticə əldə ediblər.
Gencexeber.az-ın məlumatına görə, Elm və Təhsil Nazirliyinin, Gənclər və İdman Nazirliyinin dəstəyi və STEAM Azərbaycanın təşkilatçılığı ilə 14–17 yaşlı məktəblilər üçün "VEX V5 Robotics Competition" yarışının Respublika turniri keçirilib.
Yüksən bacarığı ortaya qoyan "Ganja Robotics" komandasının üzvləri yekunda 1-ci yerə layiq görülüb. "GanjaTechX" komandası isə 10–15 yaşlı məktəblilər üçün keçirilən "VEX IQ Competition" yarışının Respublika turnirində 2-ci yeri tutmağa müvəffəq olublar.
"Ganja Robotics" komandasının üzvləri:
– Mentor – Rauf Abışov, Gəncə şəhər M. Mehdizadə adına 4 nömrəli məktəb-liseyin müəllimi;
– İlyas Babayev – Gəncə şəhər Fizika, riyaziyyat və informatika təmayüllü liseyin şagirdi;
– Nazim Qafarov – Gəncə şəhər Fizika, riyaziyyat və informatika təmayüllü liseyin şagirdi;
– Hüseyn Məmmədov – Gəncə şəhər 34 nömrəli tam orta məktəbin şagirdi;
– Səfiyar Bayramov – Gəncə şəhər M. Mehdizadə adına 4 nömrəli məktəb-liseyin şagirdi.
"GanjaTechX" komandasının üzvləri:
– Mentor – Mətləb Alıyev, Gəncə şəhər İ. Məmmədov adına 27 nömrəli məktəb-liseyin müəllimi;
– Arif Meşaik – Gəncə şəhər Fizika, riyaziyyat və informatika təmayüllü liseyin şagirdi;
– Rauf Məmmədov – Gəncə şəhər Fizika, riyaziyyat və informatika təmayüllü liseyin şagirdi;
– Mehdi Həsənov – Gəncə şəhər İ. Məmmədov adına 27 nömrəli məktəb-liseyin şagirdi;
– Hüseyn Məmmədov – Gəncə şəhər M. Hadi adına 10 nömrəli tam orta ümumtəhsil məktəbinin şagirdi.
Qeyd edək ki, qalib komandalar ölkəmizi Amerika Birləşmiş Ştatlarında təmsil etmək hüququ qazanıblar.
