Gəncə sakini Ukraynada həlak olub.
Gencexeber.az-ın məlumatına görə, 1991-ci il təvəllüdlü Yasin Cəfərov Ukraynada gedən döyüşlərdə Rusiya tərəfdən vuruşarkən həlak olub.
Yaxınlarının verdiyi məlumata görə, sentyabrın 22-dən etibarən onunla əlaqə kəsilib və uzun müddət xəbər alınmayıb. Dekabrın 13-də Yasin Cəfərovun nəşi tapılıb. Dekabrın 16-da isə cənazə Gəncə şəhərinə gətirilərək dəfn edilib.
Mərhum Rusiya vətəndaşı olub. Gəncə şəhərində böyüyən Yasin Cəfərov əslən Kəlbəcər rayonundandır. Onun Gəncədə evi olub və Azərbaycana gəlişləri zamanı burada qalırdı.
Yasin Cəfərovun bir oğlu yadigar qalıb.
