Bakı Abadlıq Xidməti tərəfindən Gəncə qalalarını simvolizə edən abidənin fasadı əvvəlcə yuyularaq təmizlənib, divarlarda ara-dolğu işləri aparılıb, daha sonra isə üzərinə qoruyucu şəffaf lak qatı çəkilib.
Gencexeber.az bildirir ki, Bakı Abadlıq Xidmətinin Planlaşdırma və Memarlıq işlərinin rəhbəri Cəmil Kocayevin sözlərinə görə, hazırda Qala Qapılarının üst hissəsində izolyasiya işləri görülür və növbəti mərhələdə həmin hissəyə keramoqranit örtük vurulması nəzərdə tutulur.
Abadlıq işləri zamanı abidənin ətrafındakı 11 skamya, həmçinin yazılar, şəhər rəmzləri və heykəllər bərpa olunub. Abidə ərazisində ucalan Azərbaycan bayrağının yerləşdiyi meydança da sahmana salınıb.
