Gəncə şəhər Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsinin Gülçülük sahəsində yerləşən müasir istixanalarında, yerli mütəxəssislər tərəfindən becərilən payızlıq güllərin şəhər ərazisinə əkini davam etdirilir.
Gencexeber.az bildirir ki, bu dəfə Nizami Gəncəvi prospektində yerləşən "Əllərin" adlanan ərazidə, "Deluxe Hotel"in və 3 saylı xəstəxananın qarşısında mövcud olan yol ayrıcı dairələrdə mövsümü dekorativ güllər əkilib.
Güllərin daha uzunömürlü olması üçün əkindən öncə ərazilər torpaq, torf və müxtəlif gübrələrlə zənginləşdirilib. Yeni əkilən yaşıllıqlara aqrotexniki qulluq göstərilib, suvarılması təmin edilib.
