Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən şəhərin Totanlı küçəsində, Nəriman Nərimanov prospektindəki yaşayış binalarının ətrafında və ara küçələrdə, həmçinin Dəmiryolçular parkında təmizlik işləri aparılıb.
Gencexeber.az bildirir ki, MKTİB-nin Ərazi Xidmət Sahələrinin əməkdaşlarının cəlb olunduğu təmizlik aksiyasında adıçəkilən ərazilər məişət tullantılarından, alaq otlarından, xəzəldən, eləcə də toz-torpaqdan təmizlənib.
Bununla paralel olaraq məişət tullantılarının atılması üçün nəzərdə tutulan iri tutumlu konteynerlər boşaldılıb, ətrafları təmizlənərək səliqəli şəklə salınıb.
