Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən şəhərin Nəriman Nərimanov prospektində, Şota Rustaveli və Totanlı küçəsində və Gəc zavodu yolunda təmizlik işləri aparılıb.
Gencexeber.az bildirir ki, MKTİB-nin canlı qüvvəsi və müxtəlif təyinatlı texnikalarının cəlb olunduğu təmizlik aksiyasında adıçəkilən ərazilər məişət tullantılarından, alaq otlarından, toz-torpaqdan və xəzəldən təmizlənib.
Paralel olaraq, Sədi və Elbrus Allahverdiyev küçələrinin kəsişməsində yığılıb qalan və sakinlərin hərəkətinə maneə yaradan şinlər MKTİB əməkdaşları tərəfindən maşınlara yüklənərək aidiyyəti üzrə daşınıb.
Qeyd edək ki, MKTİB tərəfindən həyata keçirilən bu kimi təmizlik işləri mütəmadi olaraq şəhərin müxtəlif ərazilərində təşkil olunur.
