Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən növbəti təmizlik aksiyası təşkil olunub.
Gencexeber.az bildirir ki, qurumun Ərazi Xidmət Sahələri əməkdaşlarının iştirakı ilə 1 saylı Gəncə "Asan xidmət"in və 12 saylı Ərazi Vergilər idarəsinin ətraf ərazilərində, Dəmiryolçular parkında, Əttarlar, Zülfü Hacıyev, Abbas Səhhət, Azərbaycan əsgəri, Yusif Bağırov və Sidqi Ruhulla küçəsi məişət tullantılarından, alaq otlarından, xəzəldən, eləcə də toz-torpaqdan təmizlənib.
Yığılan tullantıların ərazidən daşınması təmin edilib. Bununla paralel olaraq məişət tullantılarının atılması üçün nəzərdə tutulan müxtəlif tutumlu konteynerlər boşaldılıb, ətrafları təmizlənib.
