Əməkdar mədəniyyət işçisi, rejissor Ramin Hacıyevin Gəncə ilə bağlı paylaşımı sosial şəbəkələrdə müzakirələrə səbəb olub.
Gencexeber.az məlumat verir ki, incəsənət xadimi Xan bağında yerləşən Gəncə qalasının qalıqları önündə çəkilmiş görüntünü paylaşaraq şəhərin zəngin tarixindən bu günə yalnız həmin divarın qaldığını qeyd edib.
Lakin bu fikir sosial şəbəkə istifadəçiləri arasında birmənalı qarşılanmayıb. Bir çoxları Gəncənin tarixinin təkcə qala divarı ilə məhdudlaşmadığını vurğulayaraq, onlarla tarixi abidənin mövcud olduğunu xatırladıb. Onlar şərhlərdə "İmamzadə" Dini Kompleksi, Cavad Xan türbəsi, Şah Abbas məscidi və digər qədim memarlıq nümunələrinin Gəncənin çoxəsrlik tarixinin canlı sübutu olduğuтг bildirib.
Müzakirələrdə qeyd olunub ki, Gəncə həm memarlıq, həm də mədəni irs baxımından ölkənin ən zəngin şəhərlərindən biridir və tarixi irsin yalnız bir fraqmentlə ifadə edilməsi iddiası düzgün yanaşma deyil.
