Gənclər və İdman Nazirliyi ilin idman yekunlarına həsr olunmuş qala mərasimi keçirib.
Gencexeber.az məlumat verir ki, tədbir çərçivəsində müxtəlif nominasiyalar üzrə ilin ən yaxşıları mükafatlandırılıb. Qaliblər federasiyaların rəyləri, idman jurnalistləri və sosial media üzərindən aparılan sorğuların nəticələrinə əsasən müəyyən edilib.
Gəncə İdman Sarayı "İlin ən yaxşı idman qurğusu" nominasiyası üzrə ölkənin ən yaxşı üç idman obyektindən biri seçilib. Bununla yanaşı, açılış və bağlanış mərasimləri, eləcə də bir sıra idman növləri üzrə yarışları Gəncə şəhərində keçirilən III MDB Oyunları ilin ən yaxşı idman tədbirləri sırasında yer alıb.
Həmçinin Gəncə İdman Liseyinin məzunu, hazırda isə güləş üzrə Azərbaycan yığma komandasının üzvü olan Jalə Əliyeva "İlin ən yaxşı qadın idmançıları"ndan biri seçilib.
