2025-cü ilin yanvar-sentyabr aylarında pərakəndə ticarət şəbəkəsində istehlakçılara 1 milyard 228,7 milyon manatlıq, o cümlədən 764,6 milyon manatlıq ərzaq məhsulları, içkilər və tütün məmulatları, 464,1 milyon manatlıq qeyri-ərzaq malları satılıb.
Gencexeber.az bu barədə Gəncə Şəhər Statistika İdarəsinə istinadən xəbər verir.
Məlumata görə 2024-cü ilin yanvar-sentyabr ayları ilə müqayisədə pərakəndə ticarət dövriyyəsi real ifadədə 0,7 faiz, ondan ərzaq məhsulları, içkilər və tütün məmulatları üzrə 11,0 faiz artıb.
2025-ci ilin yanvar-sentyabr aylarında istehlak mallarının dəyər ifadəsində 22,8 faizi ticarət müəssisələri, 35,5 faizi bazar və yarmarkalarda, 43,7 faizi isə fərdi sahibkarlar tərəfindən satılıb.
2024-cü ilin yanvar–sentyabr ayları ilə müqayisədə pərakəndə ticarət dövriyyəsi real ifadədə hüquqi şəxslər üzrə 10,8 faiz, bazar və yarmarkalar üzrə 64,8 faiz artıb.
