Gəncə Dövlət Milli Dram Teatrı 11-26 aprel tarixlərində keçiriləcək "5 ci Beynəlxalq Trabzon Teatr festivalı"na dəvət alıb.
Gencexeber.az bildirir ki, İtaliya, Fransa, Rumıniya, Şri-Lanka, Moldova, İordaniya, Gürcüstan, Honkong, Türkiyə kimi ölkələrin teatrlarının iştirak etdiyi festivala Gəncə teatrı Ə.Haqverdiyevin "Pəri cadu" tamaşası ilə qatılacaq.
Tamaşanın quruluşçu rejissoru Elşad Əhmədov, rəssamı Mirzə Mehdidir. Rolları əməkdar artistlər Kəmalə Məmmədova, Sevda Orucova, aktyorlar Günay Cabbarova, Sevinc Hüseynova, Murad Meyfəliyev, Emil Salmanov, Elmir Məmmədov ifa edəcəklər.
