Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) yaz fəslinin gəlişi ilə əlaqədar olaraq, şəhərin müxtəlif park və xiyabanlarında, istirahət məkanlarında, küçə və prospektlərdə mövsümü dekorativ gül-çiçəklərin əkin prosesini davam etdirir.
Gencexeber.az bildirir ki, MKTİB-nin Yaşıllaşdırma şöbəsində yerli mütəxəssislər tərəfindən müasir istixanalarda yetişdirilən gül-çiçəklər bu dəfə Gəncə Dövlət Filarmoniyasının qarşısındakı güldanlara əkilib. Bitkilərin daha uzunömürlü olması üçün əkindən öncə ərazilər torpaq, torf və müxtəlif gübrələrlə zənginləşdirilib. Yeni əkilən güllərin suvarılması təmin edilib. Gəncə sakinlərinin və şəhərimizin qonaqlarının zövqünə oxşayan gül-çiçəklərin əkin prosesi, mərhələli şəkildə həyata keçirilir və bu işlər may ayına qədər davam etdiriləcək. Mövsümü gül əkinin kampaniyasına MKTİB-nin Yaşıllaşdırma şöbəsinin əməkdaşları və qurumun texnikaları cəlb olunub.
