Gəlinini döyən qayınana cərimələnib.
Gencexeber.аz xəbər verir ki, Tovuz rayonunun Qaradaş kəndində gəlinini döyən qayınana məsuliyyətə cəlb edilib.
45 yaşlı Mətanət Əzimova (ad şərtidir) ailə münaqişəsi zamanı gəlinini əli ilə itələyib və vurub. O, məhkəmədə əməlindən peşman olduğunu bildirərək həbslə bağlı olmayan cəza verilməsini xahiş edib.
Zərərçəkən isə qayınanası ilə barışmaq fikrində olmadığını deyərək onun cərimələnməsini tələb edib.
Hadisə ilə bağlı M.Əzimova barəsində İnzibati Xətalar Məcəlləsinin 157-ci maddəsi (döymə) üzrə protokol tərtib edilib.
Tovuz Rayon Məhkəməsinin qərarı ilə qadın 300 manat məbləğində inzibati qaydada cərimə olunub.
