“Gəncə” voleybol klubu heyətini əcnəbi voleybolçu ilə gücləndirib. Klub məlumat verir ki, rusiyalı voleybolçu Anastasiya Atepalina ilə birillik müqavilə imzalanıb.
Ötən mövsümü Fransanın “Argentier 95” klubunda keçirən idmançı daha əvvəl Albaniyanın “Tirana” və “Skenderbeu” klublarında forma geyinib, Rusiyanın “Lokomotiv Angara” və “Yaroslavna TMZ” komandalarının şərəfini qoruyub.
Qeyd edək ki, “Gəncə” VK bunadək yerli voleybolçular Yuliya Kərimova, Nərminə Musayeva, Fidan Azayeva, Amina Ramazanova, Asiyat Abuyeva və Xanım Cəlilovanıda heyətinə qatıb.
