Gəncənin voleybol klubu heyətini braziliyalı idmançı ilə gücləndirib.
“Gəncə” VK-nın məlumatına əsasən, Kerolayn Ferreyra Perotto komandaya cəlb olunub. Onunla birillik müqavilə imzalanıb.
Qeyd edək ki, ötən mövsümü İsveçin “Hytle Halmstad” komandasında keçirən oyunçu Tunisdə “Esperance Sportiv”, CSS, Peruda “Circolo” klublarının şərəfini qoruyub. Vətənində isə o, “Brasilia Volei”, UPIS, “Pinheiros” və “ADC Bradesco” komandalarında çıxış edib.
