Gəncədə Paralimpiya çempionunun qarşılanma mərasimi baş tutub.
Gencexeber.az məlumat verir ki, Yay Paralimpiya Oyunlarının ilk qızıl mükafatçısı parataekvondoçu İmaməddin Xəlilov doğma şəhərinə qayıdıb. O, Heydər Əliyev Park Kompleksində, Zəfər Tağının qarşısında yaxınları və idman ictimaiyyətinin nümayəndələri tərəfindən təntənəli surətdə qarşılanıb.
Burada parataekvondoçunun əldə etdiyi uğur Gəncə idmanı üçün böyük nəticə kimi qiymətləndirilib. Həmçinin bildirilib ki, 8 ildən sonra ikinci dəfədir ki, Nizami yurduna paralimpiadadan qızıl medal gətirilir.
Xatırladaq ki, 70 kiloqram çəki dərəcəsində mübarizə aparan İmaməddin Xəlilov ölkə tarixində parataekvando üzrə ilk qızıl medalı qazanıb. O, qazandığı qızıl medalı şəhidlərə həsr etdiyini deyib.
