Gəncəli cüdoçu Böyük Dəbilqə turnirində çıxış edəcək Azərbaycan milli komandasının heyətində yer alıb. Bu haqda məlumat 29 oktyabr tarixində yayılıb.
Turan Bayramov noyabrın 5-də Bakıda start götürəcək yarışda 60 kiloqram dərəcəsində iştirak edəcək.
Cüdoçu 2002-ci ildə Gəncə şəhərində anadan olub. O, Gəncə şəhəri Uşaq-Gənclər İdman-Şahmat məktəbinin yetirməsidir.
Qeyd edək ki, Böyük Dəbilqə 5 - 7 noyabrda Heydər Əliyev adına İdman Kompleksində keçiriləcək. Turnirdə 30 ölkədən 200-dən çox idmançının iştirakı gözlənilir.
