Gəncədə təhsil ocaqlarından birində təyinat açıqlanıb. Bu haqda 16 iyul tarixində Qafqazinfo-ya istinadən məlumat veririk.
Söhbət Azərbaycan Dövlət Aqrar Universitetinin (ADAU) nəzdində fəaliyyətə başlayan Gəncə Dövlət Aqrar Kollecindən gedir. Təhsil müəssisəsinə direktor təyin olunub. Bu vəzifə ADAU-nun əməkdaşı Fəqan Ağayevə həvalə edilib.
Qeyd edək ki, Ağayev 2000-ci ildə ADAU-nun Aqronomluq fakültəsini bitirib, 2014-cü ildə aqrar elmlər üzrə fəlsəfə doktoru adını alıb.
2015-ci ildən ADAU-nun Bağçılıq kafedrasında müəllim kimi çalışıb. Bakalavr pilləsində "Örtülü sahə tərəvəzçiliyi", "Tərəvəzçilik" və "Bitkiçilik məhsulları istehsalı" fənlərindən mühazirə, seminar və laboratoriya dərslərini ingilis dilində tədris edib.
16 elmi məqalənin (1 ingilis, 6 rus və 9 Azərbaycan dilində), 1 dərs vəsaitinin, 1 metodik vəsaitin (ingilis dilində), 8 proqramın müəllifidir.
