“Gəncə Aqro 2” MMC iki ildir ki, mənfəət əldə etmir.
Marja xəbər verir ki, şirkət 2023-cü ili 789 min manat, 2022-ci ili isə 843 min manat xalis zərərlə bağlayıb.
“Gəncə Aqro 2” şirkətinin əsas əməliyyat gəliri (satış) 2022-ci ildə 1 milyon 316 min manat ikən, 2023-cü ildə 1 milyon 617 min manata yüksəlib. Satışın maya dəyəri isə 2022-ci ildə 2 milyon 68 min manat olduğu halda, 2023-cü ildə 1 milyon 782 min manata düşüb.
Gəlirin artmasına, xərcin isə azalmasına baxmayaraq, ümumi xərclər gəlirləri üstələdiyindən “Gəncə Aqro 2” şirkəti zərər ilə işləməkdə davam edib.
