Gəncədə lokal antiterror əməliyyatları zamanı şəhid olan Azərbaycan Ordusunun iki əsgərinin məzarları ziyarət edilib.
Gəncədə Azərbaycanın Konstitusiya quruluşunun bərpa edilməsi məqsədilə 19-20 sentyabr 2023-cü ildə Qarabağ iqtisadi zonasında keçirilən lokal xarakterli antiterror əməliyyatları zamanı şəhid olan əsgər, MAHHXHQ Əliyev Orxan Eldar oğlu və əsgər Ələkbərov Ramal Elnur oğlunun xatirəsi yad edilib.
Gencexeber.az məlumat verir ki, şəhidlərin məzarları üzərlərinə tər çiçəklər düzülüb. Şəhidlərimizə Allahdan rəhmət, ailələrinə səbir dilənib.
Şəhidlər xiyabanında keçirilən ildönümü mərasimində Gəncə Şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, YAP Gəncə şəhər təşkilatının sədri Bayram Aslanov, hüquq-mühafizə orqanlarının rəhbərləri, bələdiyyə sədrləri, I Qarabağ və Vətən müharibəsi iştirakçıları və şəhidlərin ailə üzvləri iştirak ediblər.
