Gəncədə qaz təchizatı ilə bağlı ciddi çətinliklər yaşanır.
Gencexeber.az-a sakinlər tərəfindən verilən məlumata əsasən, Abuzər bəy Rzayev küçəsi (köhnə Tereşkova küçəsi), bina 40-da 6 aya yaxındır ki, hər gün gecə yarısından başlayaraq qazın verilişi ya tamamilə dayanır, yaxud da əhəmiyyətli dərəcədə azalır. Sözügedən hal təxminən səhər saat saatlarına qədər davam edir:
“Hər gün gecə saatlarında qaz kəsilir. Biz axşam saatlarında özümüzü isti su ilə təmin edə bilmirik. Mən sərf etdiyim qaz həcminin pulunu ödədiyim təqdirdə mənim niyə qazım kəsilməlidir?”.
Əlavə olaraq bildirilib ki, qaz təchizatında yaşanan çətinlik yalnız sözügedən küçədə deyil, Gəncənin müxtəlif ərazilərində də müşahidə edilir.
Məsələ ilə bağlı sakinlər dəfələrlə aidiyyəti qurumlara müraciət etsələr də, heç bir dəyişilik olmayıb.
