Gəncədə qanunsuz tikililərə qarşı tədbirlər görülüb.
Şəhər ərazisində aparılan tikinti işləri ilə bağlı növbəti monitorinqlər keçirilib. Nəticədə Məhsəti qəsəbəsində və Nəriman Nərimanov prospektində müvafiq icazəverici sənədləri olmadan tikintisi aparılan yaşayış və qeyri-yaşayış sahələri aşkarlanıb.
Sözügedən obyektlərin bəzilərində aparılan tikinti işləri dayandırılıb, digərləri isə sökülüb.
Qeyd edək ki, monitorinqlər Şəhər İcra Hakimiyyəti yanında Şəhərdə tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılan komissiya üzvlərinin, Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin, Əmlak Məsələləri üzrə Dövlət Xidmətinin Gəncə Ərazi Şöbəsinin və hüquq-mühafizə orqanlarının nümayəndələrinin iştirakı ilə aparılır.
[modula id="64519"]
