Azərbaycan Dövlət Aqrar Universiteti ilə "ISFA" MMC arasında birgə əməkdaşlıq memorandumu imzalanıb. Bu haqda təhsil ocağının saytında məlumat dərc edilib.
Anlaşmanın məqsədi aşağıdakılardır:
- Şirkət əməkdaşlarının bilik və bacarıqlarının artırılması;
- İxtisaslar üzrə kadr hazırlığını təşkil etmək;
- Gələcək kadr ehtiyatlarının ödənilməsi istiqamətində birgə fəaliyyət həyata keçirmək;
- Birgə tədris planı və proqramlarının hazırlanması;
- Dövlət-özəl əməkdaşlığı çərçivəsində birgə istehsalat və təlimlərin təşkil edilməsi;
- Büdcədənkənar gəlirləri stimullaşdırmaq;
- Təhsil alanlarda sahibkarlıq vərdişlərinin aşılanması.
"ISFA" MMC–nin direktoru Samir Xeyirbəyov şirkətin həyata keçirdiyi layihələr haqqında danışıb. O deyib ki, Aqrar Universitetinin tələbələri kənd təsərrüfatı sahələri haqqında ətraflı bilik-məlumat alacaqlar. Onlar faydalı təcrübə proqramlarında iştirak edəcəklər.
Sonra tərəflər arasında qarşılıqlı əməkdaşlığa dair memorandum imzalanıb.
