"Gəncə Cihazqayırma Zavodu" ASC 10 min ədəd mexaniki sayğacın hazırlanmasına dair sifariş qəbul edib. Bu haqda Azərbaycan televiziyasına istinadən yanvarın 11-i məlumat veririk.
Sifariş "Azərqaz" İB tərəfindən verilib. Bu ildən müəssisədə qaz sayğaclarının kütləvi istehsalına başlanılıb. İlkin mərhələdə 10 min sayğac yığılacaq. Amma zavod ildə 400 min sayğac istehsal etmək gücündədir.
Qeyd edək ki, bu günə kimi sayğaclar xarici ölkələrdən alınıb. Zavodda elektrik enerjisi üçün avadanlıqların istehsalına da başlanılacaq. Sifariş olacağı halda qaz, su, elektrik sayğaclarına olan tələbat yerli istehsalat gücü ilə ödəniləcək.
