Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi sənaye və dağ-mədən işlərində təhlükəsizliyi təmin etmək üçün tədbirlər görür.
FHN məlumat verir ki, agentlik əməkdaşları Gədəbəy rayonunun Düzyurd kəndində fərdi sahibkar Elnur İsgəndərova məxsus maye qazdoldurma məntəqəsində plan üzrə yoxlama aparıb. Bu zaman insan həyatı və sağlamlığı üçün təhlükə yaradan pozuntular aşkar edilib. Maye qazdoldurma məntəqəsində bir tutumun istismar müddəti bitib, texniki müayinələr aparılmayıb və cihazlar yoxlanılmayıb.
Pozuntuların dərhal aradan qaldırılması mümkün olmadığından, məntəqənin istismarı dayandırılıb və sahibkara müvafiq akt və qərar təqdim edilib.
